9 jan

Sæmilegt veður í dag en svo rauk hann upp með nv roki og tilheirandi kófi seinni partinn frostið var 12 gráður en svo dró úr því ,Jódís fór með mér í fyrri gjafirnar og stóð sig vel eins hjálpaði hún mömmu sinni í hesthúsinu Ragnar Jökull hélt sig innan dyra. Sonja lagði á Ós og reið út að Hólahorni , hún hafði boðið mér hestinn til að komast á beitarhúsin enn ég sagðist heldur vilja ganga það væri jú heilsusamlegt gekk gamla veginn neðan í Hólum þar hafði dregið í töluverða skafla og sumstaðar fram yfir neðri vegbrún harðir voru þeir og hef ég kanski markað svona tvær tommur í þá sem sagt þokkalegt göngufæri.Á göngu minni var mér hugsað til liðinna daga þegar menn eiddu löngum tíma í að leggja slóðir og handmoka sig í gegnum skaflana alt til þess að búa í haginn hver fyrir annann ,það var í þá daga.